اليوم أول مرة الإنتخابات بش تخرج من تحت يد الداخلية.
مسؤوليتنا الكل بش نعاون الجندوبي والهيئة الذي تشرف على إنتخابات أكتوبر.
اليد في اليد لازم انجحو أول تجربة إنتخابية شفافة : اليوم صوت التونسي مقدس.
لكن هذا الكل ما ينجم يكون من غير ما نضمنو الذي التوانسة قيدو باش ينجمو يصوتوا. أنا قيدت،لكن يلزم عائلتي تقيد، أصحابي يقيدو، جيراني يقيدو، نساء و رجال بلادي يقيدو...
لازم أكثرمن ستين ألف ملاحظ يعس على الإنتخابات. لازم نعملو على رواحنا بش إنجحو هالمسار : الثقة نبنيوها حجرة حجرة.
التوانسة ضحينا برشى، وتوا وقيت بش ناخذوا الذي نستاهلوه : مجلس تأسيسي يمثل الأغلبية من التوانسة، حكومة شرعية يصادق عليها المجلس بش تحكم تونس و رئيس مجلس عبارة على رئيس دولة.
بهذا الكل نكونو تخطينا أول خطوة لإنجاح ثورتنا. الخطوات التالية بش تكون زادة صعيبة،لكن الثقة و الشرعية يكونوا رجعوا.
قيدوا، شجعوا أصحابكم و معارفكم باش يقيدوا، بش غدوة تصوتوا للحزب، للقطب، للجبهة و إلا للمجموعة الذي تراوها تمثلكم.